ADNSU-da "Gənclərin İnkişaf Formu 2" keçirilib
Azərbaycan Dövlət Neft Və Sənaye Universiteti (ADNSU) Tələbə Həmkarlar İttifaqı Komitəsinin (THİK) təşkilatçılığı, İqtisadiyyat və Menecment fakültəsi THİK-nin təşəbbüsü ilə "Gənclərin İnkişaf Formu 2" keçirilib.Tədbirdə çıxış edən ADNSU-nun “İqtisadiyyat və Menecment” fakültəsinin dekanı, dosent İlham Rüstəmov, Tələbə Həmkarlar İttifaqı Komitəsinin sədri Namiq Gəncəyev görüş haqqında tələbələrə məlumat verərək belə forumların keçirilməsinin vacibliyini qeyd ediblər. Onlar tələbələrə universitetdə yüksək təhsil və özünü inkişaf üçün yaradılan şəraitdən maksimum yararlanmağı tövsiyə ediblər. İki hissədən ibarət olan forumun ilk hissəsində ADNSU rektorunun Universitet-sənaye əməkdaşlığı və məzunlarla iş üzrə müşaviri Sakit Səmədov gənclərlə şəxsi inkişaf haqqında öz təcrübəsini bölüşüb. Daha sonra isə “Motivator Azərbaycan” Layihəsinin rəhbəri Rüfət Həsənov tələbələr qarşısında çıxış edərək onların gələcək karyeraları, şəxsi inkişafları ilə bağlı vacib məqamlardan bəhs edib.Gənclər tərəfindən maraqla qarışlanan görüş diskusiya ilə davam edib. Sonda tələbələrin suaları cavablandırılıb.1.jpeg 393.93 KB2.jpeg 274.79 KB3.jpeg 328.53 KB4.jpeg 417.56 KB5.jpeg 386.3 KB6.jpeg 521.35 KB7.jpeg 511.81 KB
01.03.2024
ADNSU-da Xocalı soyqırımının 32-ci ildönümünə həsr olunmuş tədbir keçirilib
Fevralın 26-da Azərbaycan Dövlət Neft və Sənaye Universitetində (ADNSU) Xocalı soyqırımının 32-ci ildönümünə həsr olunmuş tədbir keçirilib.Azərbaycan Respublikasının Dövlət Himninin səsləndirilirməsi ilə başlanan tədbirdə əvvəlcə Xocalı soyqırımı qurbanlarının, o cümlədən Azərbaycanın ərazi bütövlüyü uğrunda canlarından keçən şəhidlərimizin əziz xatirəsi 1 dəqiqəlik sükutla yad edilib. Sonra Xocalı soyqırımına həsr olunmuş film nümayiş olunub.ADNSU-nun rektor əvəzi, dosent Vazeh Əskərov Azərbaycan xalqının ən dəhşətli faciələrindən olan Xocalı soyqırımından, ermənilərin zaman-zaman xalqımıza qarşı törətdikləri vəhşiliklər və Xocalı faciəsi ilə bağlı həqiqətlərin dünya ictimayiyyətinə çatdırılması istiqamətində görülən işlərdən danışıb. 44 günlük Vətən müharibəsində Prezident, Ali Baş Komandan İlham Əliyevin qətiyyətli siyasəti, şanlı Azərbaycan Ordusunun rəşadəti sayəsində işğal altında olan torpaqlarımızın azadlığa qovuşduğunu qeyd edən dosent V.Əskərov Xocalıda soyqırıma məruz qalan soydaşlarımızın qisasının döyüş meydanında alındığını və bu gün Xocalıda Azərbaycan bayrağının qürurla dalğalandığını deyib. ADNSU-nun Humanitar fənlər kafedrasının professoru İradə Nuruyeva tarixin müxtəlif dövrlərində ermənilər tərəfindən törədilən cinayətlərdən və Xocalı soyqırımının səbəb və nəticələrindən danışıb. Xocalıda dinc sakinlərə qarşı törədilmiş soyqırımın bütün dünyada insanlığa qarşı cinayət olduğunu bildirən İ.Nuruyeva deyib ki, Xocalıda törədilən qətliamdan 32 il keçməsinə baxmayaraq Azərbaycan xalqı bu qanlı tarixi heç vaxt unutmayacaq və hər zaman yaddaşlarda qalacaq.42b9499abdfffee89c3b1469bc5d207e.jpeg 935.57 KB72fd21e2947f69c0ea9aefa38263f771.jpeg 831.73 KB230db0270c0efca880384ddc46a14850.jpeg 853.46 KB646e9a523a74804a645f4839b0be7f76.jpeg 734.67 KB8646cfe3ff9aef2a0351b01b0fab69e8.jpeg 283.8 KB
26.02.2024
“Heydər Əliyev İli” çərçivəsində təşkil etdiyi idman yarışlarının qaliblərini mükafatlandırıb
Azərbaycan Təhsil İşçiləri Azad Həmkarlar İttifaqı Respublika Komitəsi (ATİAHİ RK) tərəfindən “Heydər Əliyev İli” çərçivəsində təşkil olunmuş idman yarışlarının qaliblərinin mükafatlandırılması mərasimi keçirilib.Mərasimdə ali təhsil müəssisələri arasında 6 idman növü üzrə Spartakiadanın, Bakı şəhərinin ümumtəhsil müəssisələrinin işçiləri arasında 5 idman növü üzrə yarışların, ali məktəb tələbələri arasında 8 idman növü üzrə XV Respublika Universiadasının və orta ixtisas təhsili müəssisələrinin 3 idman növü üzrə yarışların qalibləri iştirak ediblər.Öncə Azərbaycan dövlətinin qurucusu və banisi Ulu Öndər Heydər Əliyevin və şəhidlərimizin əziz xatirəsi bir dəqiqəlik sükutla yad edilib.Tədbirdə çıxış edən Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Möhbalıyev bildirib ki, idman yarışlarını təşkil etməkdə məqsəd Ümummilli Lider Heydər Əliyevin əziz xatirəsinə hörmət və ehtiram göstərmək, xalqımızın milli sərvəti olan Ulu Öndərin zəngin və çoxşaxəli irsini örənmək və təbliğ etməkdir: “Bu tədbirlər həm ümumtəhsil məktəblərinin müəllimləri, həm də ali məktəblərin işçi və tələbələri tərəfindən böyük həvəslə qarşılanıb. Bu idman tədbirlərində mindən çox müəllim və yüzlərlə tələbə çıxış edib. Azərbaycanda idman sahəsində əldə olunan uğurların bünövrəsində əsası Ulu Öndər tərəfindən qoyulmuş idman siyasəti dayanır. Hələ Heydər Əliyevin Respublikaya rəhbərlik etdiyi 1969-1982-ci illərdə Azərbaycanda bütün sahələrin, o cümlədən idmanın gələcək inkişaf perspektivləri ciddi nəzərə alınmışdı. Bu illərdə ölkədə bir çox idman kompleksləri, qurğuları, zalları tikilmiş, idman meydançaları salınmış, böyük idman-sağlamlıq mərkəzləri yaradılmışdı. Ölkədə idmanın maddi-texniki bazasının yaradılması üçün çox işlər görülmüş, 1974-cü ildə Bakıdan başqa, Azərbaycanın 36 rayonunda 59 uşaq- gənclər idman məktəbi fəaliyyət göstərirdi. Ümummilli Lider Heydər Əliyev xalqın təkidli tələbi ilə 1993-cü ildə yenidən Azərbaycan Respublikasının Prezidenti seçildikdən sonra da bu sahənin inkişafına öz diqqət və qayğısını əsirgəmədi”.Səttar Möhbalıyev qeyd edib ki, Ulu Öndərin idmanın inkişafı ilə bağlı əsasını qoyduğu strategiya bu gün uğurla davam etdirilir: “Kütləvi bədən tərbiyəsinin inkişafı, gənc nəslin sağlam böyüməsini təmin etmək məqsədi ilə ölkə Prezidenti cənab İlham Əliyev tərəfindən bir çox fərman və sərəncamlar, dövlət proqramları imzalanıb. Bakıda və bütövlükdə Azərbaycanda idman infrastrukturun yaradılması istiqamətində böyük işlər görülüb. Azərbaycanda idmanın kütləviliyi təmin edilir və olimpiya hərəkatı yüksək səviyyədədir. Hesab edirəm ki, idmanda əldə olunan uğurlarda kütləvi bədən tərbiyəsinin inkişafının da öz rolu var. Biz də həmkarlar təşkilatı hər zaman olaraq bu sahəyə diqqət ayırırıq. Vaxtaşırı olaraq tələbələr, müəllimlər arasında müxtəlif kütləvi idman yarışları təşkil olunur, universiadalar, spartakiadalar keçirilir. Biz idmanın kütləviliyinin təmin edilməsi və təhsil işçilərinin asudə vaxtının səmərəli təşkilinə istiqamətlənmiş fəaliyyətimizi bundan sonra da davam etdirmək əzmindəyik”.Sonra mükafatlandırma mərasiminə başlanılıb. Ali məktəb işçiləri arasında keçirilən Spartakiadanın 118, Bakı şəhərinin ümumtəhsil məktəblərinin işçiləri arasında keçirilən yarışların 130 qalibinə hədiyyə kuponu və diplomlar verilib.Eyni zamanda ali məktəb tələbələrinin XV Universiadasının və orta ixtisas təhsili müəssisələrinin yarışlarının ümumilikdə 300-ə yaxın qalibinə kubok, diplom və idman forması təqdim olunub.1-1.jpg 137.44 KB6 (1).jpg 152.75 KB5.jpg 222.23 KB4-1 (1).jpg 174.7 KB3-1.jpg 438.72 KB2-1.jpg 137.67 KB
15.01.2024
ADNSU-da Dünya Azərbaycanlılarının Həmrəylik Günü və Yeni il bayramı qeyd olunub
Dekabrın 26-da Azərbaycan Dövlət Neft və Sənaye Universitetində (ADNSU) Dünya Azərbaycanlılarının Həmrəylik Günü və Yeni ilin gəlişi ilə bağlı tədbir keçirilib.Azərbaycan Respublikasının Dövlət Himninin səsləndirilməsi ilə başlanan tədbirdə ADNSU-nun Tədris işləri üzrə prorektoru, dosent Qasım Məmmədov açılış nitqi ilə çıxış edib. ADNSU-da yaradılan keyfiyyətli təhsil imkanlarından danışan prorektor qarşıdan gələn yeni ildə hər kəsə uğurlar arzu edib.Deputat Elşad Mirbəşir oğlu bayram tədbirində çıxış edərək ADNSU-nun yetişdirdiyi mühəndis kadrların ölkənin bir çox istehsalat sahələrində, o cümlədən neft sektorunun inkişafındakı uğurlu fəaliyyətlərindən danışıb. Tələbələri və universitetin professor-müəllim heyətini Həmrəylik Günü və Yeni ilin gəlişi münasibəti ilə təbrik edən millət vəkili gənclərə yeni ildə yeni-yeni uğurlar arzu edib. Tədbir rəsmi hissədən sonra ADNSU-nun “Gənclik” mahnı və rəqs ansamblının, eləcə də tanınmış gənc musiqiçilərin ifasında konsert proqramı ilə davam edib.1.jpeg 545.9 KB2.jpeg 328.34 KB3.jpeg 714.83 KB4.jpeg 751.45 KB5.jpeg 701.76 KB6.jpeg 794.24 KB7.jpeg 568.94 KB8.jpeg 795.14 KB9.jpeg 532.4 KB10.jpeg 758.09 KB11.jpeg 612.16 KB
27.12.2023
Bizimlə əlaqə
+994 12 493 54 57
adnsu-thik@atiahi.org
Azərbaycan, Bakı şəhəri, Azadlıq prospekti 16/21 (ADNSU, əsas tədris binası)